ALMANİYADA YOXSULLUĞUN SƏVİYYƏSİ ARTMIŞDIR
AZƏRTAC-ın xüsusi müxbiri xəbər verir ki, Almaniya Federal Məşğulluq İdarəsinin və federal hökumətin “İşsizlik, səfalət, aclıq və əmlak haqqında” yekun məlumatında 2004-cü ildə ölkədə səfalət və yoxsulluğun səviyyəsinin artması təşvişlə qeyd edilmişdir. Hesablamalara görə, 2003-cü ildə ölkə əhalisinin 12,7 faizi yoxsulluq səviyyəsində yaşayırdısa, hazırda 13 faizi keçmişdir.
Almaniyada yoxsulluq, əsasən, ailəsini təkbaşına dolandıran, tərkibində üç uşaqdan çox olan, habelə yalnız sosial yardım vasitəsilə dolanan əcnəbi ailələrdədir. Yayılan məlumatlarda qeyd olunur ki, ailənin hər bir üzvü üçün yaşayış minimumu Almaniyanın şərqində 604, qərbində isə 730 avro səviyyəsindədir.
Bölmənin digər xəbərləri
