ALMATIDA BÖYÜK İPƏK YOLU ŞƏHƏRLƏRİ MERLƏRİNİN FORUMU KEÇİRİLMİŞDİR
AZƏRTAC-ın xüsusi müxbiri xəbər verir ki, Almatıda Böyük İpək yolu şəhərləri merlərinin 3-cü forumu başa çatmışdır.
Tədbirdə 27 ölkədən gəlmiş merlər, turizm və sərmayə şirkətlərinin nümayəndələri, biznesmenlər, beynəlxalq təşkilatların təmsilçiləri iştirak etmişlər.
Forumda Böyük İpək Yolu üzərində olan şəhərlərdə turizm infrastrukturlarının genişləndirilməsi, müasir tələblərə uyğun mehmanxanaların tikintisi, region dövlətlərində vahid viza sisteminin yaradılması və digər məsələlər müzakirə edilmiş, turizm sistemində qabaqcıl təcrübənin tətbiqi ilə bağlı fikir mübadiləsi aparılmışdır.
Forumda deyilmişdir ki, bütün dünyada adamlar hər gün turizmə 2 milyard dollardan çox pul xərcləyirlər.
Növbəti forum Koreya Respublikasının Penteke şəhərində keçiriləcəkdir.
Bölmənin digər xəbərləri
