ALMATIDA “GÖZ XƏSTƏLİKLƏRİNİN DİAQNOSTİKASININ VƏ MÜALİCƏSİNİN AKTUAL PROBLEMLƏRİ” MÖVZUSUNDA BEYNƏLXALQ ELMİ KONFRANS KEÇİRİLMİŞDİR
AZƏRTAC-ın xüsusi müxbiri xəbər verir ki, Qazaxıstanın Almatı şəhərindəki Göz Xəstəlikləri Elmi-Tədqiqat İnstitutunun təşkilatçılığı ilə “Göz xəstəliklərinin diaqnostikasının və müalicəsinin aktual problemləri” mövzusunda Beynəlxalq elmi konfrans keçirilmişdir.
Dünyanın tanınmış oftalmoloqlarının iştirak etdiyi konfransda ölkəmizi Azərbaycan Dövlət Tibb Universitetinin Oftalmologiya kafedrasının müdiri, tibb elmləri doktoru, professor Paşa Qəlbinur təmsil etmişdir.
İki gün davam edən konfransda müasir dövrdə göz xəstəliklərinin aktual problıemləri ətraflı müzakirə olunmuş, göz xəstəliklərinin müxtəlif dərmanlar və cərrahi yolla müalicəsinə dair 30-dan çox məruzə dinlənilmişdir.
İsrailin Kodassa xəstəxanasının həkimi, tibb elmləri namizədi, azərbaycanlı Tural Qəlbinurun gözün torlu qişasının ən ağır xəstəliklərindən olan sarı ləkənin qopmasının qarşısının alınmasının yeni cərrahi üsulla müalicəsinə həsr olunmuş məruzəsi maraqla qarşılanmışdır.
Bölmənin digər xəbərləri
