AMERİKANI ÇİN DƏNİZÇİLƏRİ KƏŞF ETMİŞLƏR
1763-cü ilə aid edilən bu xəritə XV əsrin əvvəllərində Hind-Çin ölkələrinə, Yava, Hindistan, Afrika sahillərinə bir sıra uzaq səfərlərə çıxan
əfsanəvi Çin admiralı Çjen Xenin komandasının guya 1418-ci ildə hazırladığı xəritənin surəti hesab olunur. Ayrı-ayrı tarixçilər iddia edirlər ki, onun donanması Amerikada da olmuşdur.
Həqiqətən də, xəritədə Şimali və Cənubi Amerika, Afrika, Avrasiya və hətta Antarktida, o cümlədən iri çaylar heroqliflərlə təsvir olunmuşdur. Bununla yanaşı, xəritədə dünyanın müasir xəritəsi ilə müqayisədə tam bir sıra uyğunsuzluqlar da var. Məsələn, burada Britaniya adaları, Skandinaviya yarımadası yoxdur, Kaliforniya yarımadası isə ada şəklində təsvir olunmuşdur.
Xəritənin jurnalistlər üçün təqdimatı yanvarın 16-da Pekində olmuşdur. Onun sahibi şəxşi kolleksiyaçı Lü Qan demişdir ki, bu nadir xəritəni 2001-ci ildə Şanxayda bukinistdən almışdır.
