ANA SÜDÜ İLƏ QİDALANMA HƏFTƏSİ KEÇİRİLİR

05.10.2005 [11:46]
Çap et
A⁺ A^-

AZƏRTAC xəbər verir ki, oktyabrın 1-7-də ümumdünya ana südü ilə qidalanma həftəsi keçirilir. Bu münasibətlə Beynəlxalq Mətbuat Mərkəzində “Erkən yaşlı uşaqların ana südü ilə qidalanması, döşlə əmizdirmə və millətin sağlamlığı” mövzusunda “dəyirmi masa” təşkil olunmuşdur. Tədbirdə Səhiyyə Nazirliyinin, YUNİSEF-in, qadın təşkilatlarının nümayəndələri iştirak etmişlər. Qeyd olunmuşdur ki, son illər ölkəmizdə uşaq ölümü göstəricisi 2 dəfə azalmışdır. Statistikaya görə, 1992-1993-cü illərdə hər il doğulan 1000 uşağın 30-u tələf olurdusa, hazırda bu göstərici 12-13-ə enmişdir. Anaların körpələrini təbii yolla qidalandırmasını təşviq etmək məqsədi ilə süd verən analara müavinətlərin ödənilməsi haqqında Nazirlər Kabinetində təlimat hazırlanır.

“Dəyirmi masa”da körpələr üçün süni qidaların keyfiyyətinin aşağı olması, onların lazımi temperatur şəraitində saxlanılmaması, xaricdən idxal edilən qidaların Azərbaycan dilində markalanmaması barədə də danışılmışdır.

Azərbaycan Səhiyyə Nazirliyi 1993-cü ildən YUNİSEF-in dəstəyi ilə ölkəmizdə “Erkən yaşlı uşaqların ana südü ilə qidalanması, döşlə əmizdirmə və millətin sağlamlığı” proqramını gerçəkləşdirir. Proqrama hər 5 ildən bir yekun vurulur və nəticələr barədə hesabat hazırlanır.

Tədbirin sonunda səhiyyə işçilərinə millətimizin gələcəyi olan körpələrimizin sağlamlığı naminə ana südü ilə qidalanmanın təbliğini gücləndirmək tövsiyə edilmişdir. Azərbaycanda bu məsələyə dövlət səviyyəsində qayğı göstərilir. “Körpələrin və erkən yaşlı uşaqların qidalanması haqqında” Azərbaycan Respublikasının Qanunu və bu qanunun həyata keçirilməsi haqqında ümummilli liderimiz Heydər Əliyevin imzaladığı Fərman müstəqil dövlətimizdə genofondun sağlamlaşdırılması istiqamətində atılan ilk addımlardandır.

ANA SÜDÜ İLƏ QİDALANMA HƏFTƏSİ KEÇİRİLİR

MÜƏLLİFLƏ ƏLAQƏ

Bölmənin digər xəbərləri