Anar Bağırov: Gələcəkdə vəkilliyə qəbul qaydalarını daha da asanlaşdırmaq niyyətindəyik
Bakı, 25 may, Ayla Aktar, AZƏRTAC
Gələcəkdə vəkilliyə qəbul qaydalarını daha da asanlaşdırmaq niyyətindəyik. Hazırda “Vəkillər və vəkillik barədə” Qanuna Vəkillər Kollegiyasının Rəyasət heyəti tərəfindən müvafiq dəyişikliklər barədə təkliflər hazırlanıb. Təkliflərdən biri də odur ki, vəkilliyə qəbul zamanı tələb olunan 3 il təcrübə azaldılsın və daha çox hüquqşünas vəkilliyə qəbul imtahanına keçid imkanı əldə etsin.
AZƏRTAC xəbər verir ki, bu sözləri jurnalistlərə müsahibəsində Vəkillər Kollegiyasının sədri Anar Bağırov deyib.
“Eyni zamanda, düşünürük ki, gələcəkdə təcrübəçi institutu tətbiq edilsin. Ali təhsil müəssisələrinin məzunları təcrübəçi kimi vəkilliyə qəbul olunsunlar və bir ildən sonra vəkil kimi fəaliyyət göstərə bilsinlər. İstəyirik ki, vəkillik daha da cavanlaşsın, təkmilləşsin”, - deyə A.Bağırov qeyd edib.
Bölmənin digər xəbərləri
