ANTİİNHİSAR DEPARTAMENTİNİN ƏMƏKDAŞLARI BEYNƏLXALQ TƏCRÜBƏNİ ÖYRƏNİRLƏR
Departamentin direktoru Rəhim Hüseynov AZƏRTAC-ın müxbirinə demişdir:
-Bildiyiniz kimi, biz tez-tez monitorinqlər keçirir, sağlam rəqabət prinsiplərini pozanlara qarşı sanksiyalar, cərimələr tətbiq edirik. İstehsalçıların hüquqlarını qorumağa çalışırıq. Ötən həftə Bakıda MDB-nin Antiinhisar Şurasının iclasını və beynəlxalq konfrans keçirdik. Məqsədimiz təcrübə mübadiləsi aparmaq və yeni ideyalar qəbul etməkdir.
Biz əməkdaşlarımızı hər ay hansısa bir ölkəyə göndəririk. Ümid edirik ki, təcrübəmiz artdıqca işlərimiz yaxşılaşacaqdır.
Mən özüm bu yaxınlarda Moskvada olmuşam. İki nəfər işçimiz isə Çinə getmişdir. Başqa bir əməkdaşımız ötən həftə Budapeştdə olmuşdur. Məqsədimiz antiinhisar siyasətini təkmilləşdirmək, təcrübə mübadiləsi aparmaq, yeni biliklərə yiyələnməkdir.
İnhisarçılığa qarşı mübarizə fasiləsiz davam edir. Lakin bugünkü vəziyyət bizi qane etmir. Çalışırıq ki, işlərimizi bir qədər də gücləndirək.
Bölmənin digər xəbərləri
