“Aqrolizinq”in Gəncə regional bazasına Fransadan 168 baş damazlıq cins inək gətirilmişdir
Gəncə, 31 oktyabr (AZƏRTAC). ”Aqrolizinq”in Gəncə regional bazasına Fransadan ətlik istiqamətində “Şarole” cinsinə məxsus 168 baş damazlıq inək gətirilmişdir.
Bazanın direktoru İdris Vəliyev AZƏRTAC-a demişdir ki, inəklərin hər birinin çəkisi 650 kiloqramdan çoxdur və onlar fermerlərə lizinq yolu ilə satılacaqdır. Heyvanlardan leykoz, xlamioz və brüselyoza qarşı qan nümunələri götürülərək respublika baytarlıq laboratoriyasına göndərilmişdir. Bundan əlavə, inəklər dabaq xəstəliyinə qarşı peyvənd də olunmuşlar. Bir aylıq karantin müddətində heyvanlar ciddi nəzarət altında saxlanılır.
Bölmənin digər xəbərləri
