“ARDNŞ-DƏ SƏMT QAZININ AZALDILMASI PLANI” MÜZAKİRƏ EDİLƏCƏKDİR
Bakı, 25 avqust (AZƏRTAC). 2008-ci ilin avqustunda Azərbaycan Respublikası Dövlət Neft Şirkəti (ARDNŞ) ilə Dünya Bankının “Qlobal qaz yandırılmalarının azaldılması üzrə tərəfdaşlıq” (GGFR) təşkilatı arasında Anlaşma Sazişi imzalanmışdır.
Şirkətin mətbuat xidmətindən AZƏRTAC-a bildirmişlər ki, sazişə əsasən Ekologiya İdarəsi tərəfindən GGFR təşkilatının texniki dəstəyi ilə “ARDNŞ-də səmt qazının azaldılması planı”nın ilkin versiyası hazırlanmışdır.
Avqustun 30-da ARDNŞ-in Ekologiya İdarəsinin ekoloji monitorinq departamentinin inzibati binasında Dünya Bankının Bakı nümayəndəliyinin iştirakı ilə sənədin müzakirəsinin keçirilməsi planlaşdırılır.
Görüşdə, həmçinin ARDNŞ, Ekologiya İdarəsi, “Azərneft” İstehsalt Birliyi, Azərbaycan Beynəlxalq Əməliyyat Şirkəti və birgə müəssisələrin rəhbərlərinin iştirakı nəzərdə tutulmuşdur.
Bölmənin digər xəbərləri
