ARDNŞ-in müəssisə və obyektlərində ekoloji monitorinqlər davam etdirilir
Bakı, 3 aprel (AZƏRTAC). Azərbaycan Respublikası Dövlət Neft Şirkəti (ARDNŞ) Ekologiya İdarəsinin 2013-cü il üzrə illik iş planına əsasən müəssisə və obyektlərdə ekoloji monitorinqlər davam etdirilir.
AZƏRTAC xəbər verir ki, ekologiya idarəsinin əməkdaşları tərəfindən istehsal prosesi zamanı ətraf mühitə təsirin öyrənilməsi və təmizləyici sistemlərlə təmin olunması vəziyyəti, təmizləyici qurğu və avadanlığın faktiki vəziyyətinin araşdırılması məqsədi ilə “Neftqaztikinti” trestinin müəssisə və obyektlərində istehsal fəaliyyətinin ətraf mühitə təsirinin öyrənilməsi istiqamətində monitorinqlər başlanmışdır.
Monitorinq zamanı trestin müəssisələrində istehsal prosesi zamanı ətraf mühitə təsir edən mənbələrin müəyyən edilməsi ilə yanaşı ekoloji normativ sənədlərinin və ətraf mühitin mühafizəsi istiqamətində yerinə yetirdiyi tədbirlərin icra vəziyyətinə yerində baxış keçirilmişdir.
Eyni zamanda, istehsalat tullantılarının yığılması, çeşidlənməsi, aidiyyəti üzrə təhvil verilməsi və mövcud tələblərə uyğun idarə olunmasına diqqət yetirilmişdir. Hazırda monitorinq işləri ARDNŞ-in digər müəssisələrində də davam etdirilir.
Bölmənin digər xəbərləri
