ARDNŞ-nin Ekologiya idarəsində işçi heyətin maarifləndirilməsi üzrə seminarlara başlanılmışdır
Bakı, 20 avqust (AZƏRTAC). Azərbaycan Respublikası Dövlət Neft Şirkətinin (ARDNŞ) ekologiya idarəsinin əməyin mühafizəsi, təhlükəsizlik texnikası və beynəlxalq idarəetmə sistemlərinin tətbiqi şöbəsi tərəfindən OHSAS 18001 təhlükəsizlik idarəetmə sistemi üzrə işçi heyətin maarifləndirilməsi işlərinə başlanılmışdır.
AZƏRTAC xəbər verir ki, ilk maarifləndirmə seminarı avqustun 20-də idarənin idarəetmə aparatının bütün şöbələrinin əməkdaşları üçün keçirilmişdir.
Seminarda əməyin mühafizəsi, təhlükəsizlik texnikası və beynəlxalq idarəetmə sistemlərinin tətbiqi şöbəsinin əməkdaşı tərəfindən işçilərə OHSAS 18001 beynəlxalq standartının “Qəza nəzəriyyəsi”, “Risklərin qiymətləndirilməsi”, “Fövqəladə hallara hazırlıq” mövzuları haqqında ətraflı məlumat verilmiş, işlərin standartın tələblərinə uyğun yerinə yetirilməsinin üstünlüklərindən söhbət açılmışdır.
Maarifləndirmə seminarları idarənin bütün istehsalat sahələrində təsdiq edilmiş maarifləndirmə qrafikinə uyğun olaraq davam etdiriləcəkdir.
Bölmənin digər xəbərləri
