AVROPA ŞURASININ BAŞ KATİBİ TÜRKİYƏNİN AVROPA BİRLİYİNƏ DAXİL OLMASI HAQQINDA DANIŞIQLARA BAŞLANMASINI ALQIŞLAYIR
O demişdir: “Məsələ bundadır ki, AB vəziyyətin fövqündə olacaqmı və çoxsaylı, əsasən, müsəlman əhaliyə malik ölkənin demokratiya, insan hüquqları və hüquqi dövlət dəyərlərini bölüşməyə çalışdığını başa düşəcəkmi. Əgər danışıqlar, ümid etdiyim kimi, mahiyyətcə başlasa, onda bu, uzun sürən prosesin ancaq başlanğıcı olacaqdır. Türkiyə ədalətli sazişə layiqdir. Odur ki, danışıqlar Avropanın hər yerində aparılan seçkiqabağı məsləhətləşmələrdən deyil, bu ölkədə islahatların həyata keçirilməsində tərəqqidən asılı olaraq irəliləməlidir”.
Avropa Şurası Parlament Assambleyasının sədri Rene Van der Linden isə bildirmişdir ki, 10-15 ildən sonra Avropa yəqin ki, başqa cür olacaqdır. Şübhə yoxdur ki, biz İslam dünyası ilə, Yaxın Şərqlə, neft hasil edən və bu vəziyyətdə coğrafi-strateji tərəfdaş olan ölkələrlə əlaqə yaratmağımıza şad olacağıq. Avropa Türkiyəyə, eləcə də Türkiyə Avropaya gərəkdir.
Bölmənin digər xəbərləri
