Avroqrup M.Draqanın Mərkəzi Avropa Bankının başçısı vəzifəsinə namizədliyini bəyənmişdir
Bakı, 17 may (AZƏRTAC). Avrozonanın maliyyə nazirləri (Avroqrup) Mario Draqanın Avropa Mərkəzi Bankının (AMB) növbəti başçısı vəzifəsinə namizədliyini bəyənmişdir.
Bu barədə məlumat verən Avroqrupun başçısı Jan-Klod Yunker bildirmişdir ki, İtaliya Mərkəzi Bankının başçısı M.Draqa namizədliyi Avropa İttifaqının İqtisadiyyat və Maliyyə Nazirləri Şurası (İMNŞ), daha sonra Avropa Parlamenti tərəfindən bəyəniləcəyi təqdirdə AMB-nın başçısı vəzifəsini tutacaqdır.
Onun namizədliyi bu ilin iyulunda Avroqrupun və İMNŞ-ın iclaslarında təsdiq edilməlidir.
AMB-nın fəaliyyətdə olan başçısı Jan-Klod Trişe tutduğu vəzifədən bu ilin oktyabrında gedəcəkdir.
Bölmənin digər xəbərləri
