Avrozona iqtisadiyyatı üçüncü rübdə 0,1 faiz azalıb
Bakı, 1 noyabr, AZƏRTAC
Avrozona iqtisadiyyatı bu ilin üçüncü rübündə əvvəlki rüblə müqayisədə 0,1 faiz azalıb.
AZƏRTAC xəbər verir ki, Avropa Statistika İdarəsi (Eurostat) 2023-cü ilin üçüncü rübü üzrə Avropa İttifaqı (Aİ) və Avrozonanın Ümumi Daxili Məhsulu (ÜDM) üzrə aparıcı məlumatları açıqlayıb.
Məlumatlara görə, 20 üzvü olan Avrozonada mövsümi təsirlərdən təmizlənmiş ÜDM 2023-cü ilin üçüncü rübündə əvvəlki rüblə müqayisədə 0,1 faiz azalıb.
Avrozonada ÜDM ötən ilin eyni dövrü ilə müqayisədə 0,1 faiz artıb. Avrozonada ÜDM-in rüblük olaraq sabit qalacağı gözlənilirdi.
Aİ-də mövsümi təsirlərdən təmizlənmiş ÜDM ilin üçüncü rübündə həm rüblük, həm də illik bazda 0,1 faiz artıb. İkinci rübdə isə Aİ iqtisadiyyatı dəyişməz qalarkən Avrozona iqtisadiyyatı 0,2 faiz artmışdı.
Üçüncü rübdə əvvəlki rüblə müqayisədə ÜDM İrlandiyada 1,8 faiz, Avstriyada 0,6 faiz, Çexiyada 0,3 faiz, Estoniya və Portuqaliyada 0,2 faiz, Almaniya və Litvada 0,1 faiz azalıb. İsveç və İtaliyada ÜDM sabit qaldığı halda, Fransada 0,1 faiz artıb.
Ötən ilin müvafiq dövrü ilə müqayisədə ÜDM İrlandiyada 4,7 faiz, Estoniyada 2,5 faiz, İsveç və Avstriyada 1,2 faiz, Çexiyada 0,6 faiz, Almaniyada 0,4 faiz azalarkən İtaliya və Litvada isə dəyişməyib.
Bölmənin digər xəbərləri
