Avstriyada COVID-19 diaqnozu ilə xəstəxanada müalicə alanların sayı azalmaqdadır
Vyana, 14 may, AZƏRTAC
Avstriyada COVID-19 xəstəliyi ilə əlaqədar xəstəxanada müalicə alan pasiyentlərin sayı getdikcə azalmaqdadır.
AZƏRTAC xəbər verir ki, Avstriyanın Federal Səhiyyə Nazirliyi hazırda xəstəxanada müalicə alan pasiyentlərin sayının 234 nəfərə düşdüyünü elan edib. Onlardan 54 nəfərinin vəziyyəti ağır qiymətləndirilir və intensiv tibb şöbələrində müalicə olunurlar.
Nazirliyin məlumatına əsasən, ölkədə indiyədək koronavirusa yoluxanların sayı 16 min nəfəri keçib və indiyədək 344600 nəfər üzərində test aparılıb. Ölənlərin sayı isə 600 nəfərə yaxındır. Qeyd edilib ki, Avstriya Epidemiologiya Qeydiyyatı Sistemi yalnız ölümün birbaşa səbəbi COVID-19 olan pasiyentlərlə bağlı məlumatları bu siyahıya daxil edir. COVID-19 xəstəliyinin müşayiətedici faktor olduğu xəstələr həmin statistikada göstərilmirlər.
Elgün Niftəli
AZƏRTAC-ın xüsusi müxbiri
Vyana
Bölmənin digər xəbərləri
