AZƏRBAYCAN-AVSTRİYA MƏDƏNİ ƏLAQƏLƏRİ MÜZAKİRƏ OLUNMUŞDUR
Ölkəmizin Avstriyadakı səfirliyindən AZƏRTAC-a bildirmişlər ki, sentyabrın 20-də cənab Frants Morakla görüşdə Ə.Vəliyev ölkələrimiz arasında mədəniyyət sahəsindəki əlaqələrdən, eləcə də Azərbaycanın bu yöndə beynəlxalq əməkdaşlığından söhbət açmışdır. O, sentyabrın 24-də Vyanada açılacaq sərginin qarşılıqlı əlaqələrin inkişafına töhfə olacağını bildirmişdir.
F.Morak Avstriyanın Azərbaycan mədəniyyətinin Vyanadakı təbliği işindən razı qaldığını və belə tədbirlərin sayının artırılmasında maraqlı olduğunu, gələcəkdə incəsənətin bir sıra sahələrində sıx əməkdaşlıq ediləcəyinə inandığını vurğulamışdır.
Görüşdə teatr, opera, arxitektura və sair sahələrdə əməkdaşlıq imkanları ətraflı müzakirə edilmişdir.
