AZƏRBAYCAN BOKSÇULARI BEYNƏLXALQ “DONBASS KUBOKU” TURNİRİNDƏ 4 MEDAL QAZANMIŞLAR
AZƏRTAC xəbər verir ki, Donetsk şəhərində gənc boksçular arasında beynəlxalq “Donbass kuboku” turniri keçirilmişdir.
Yarışda Azərbaycanın idman şərəfini Şamil Əlimzanovun rəhbərlik etdiyi yığma komanda qorumuşdur.
Yığmamızın heyətində İsmət Eynullayev (60 kq) və Hafiz İsgəndərov (75 kq) bütün rəqiblərinə qalib gələrək fəxri kürsünün ən yüksək pilləsinə qalxmışlar.
57 kiloqram çəki dərəcəsində yarışan Elnur Əliyev isə yalnız finalda məğlub olaraq gümüş medala sahib çıxmışdır. Qeyd edək ki, ikinci döyüşündə E.Əliyev erməni idmançısı üzərində qələbə qazanmışdır.
Yarımfinada məğlub olan Elgün Əhmədov (48 kq) isə bürünc medala layiq görülmüşdür.
Bölmənin digər xəbərləri
