AZƏRBAYCAN CÜDOÇULARI AVROPA ÇEMPİONATININ İLK GÜNÜ ÜÇ MEDAL QAZANMIŞLAR
AZƏRTAC xəbər verir ki, Maltanın paytaxtı Valettada Avropa çempionatı start götürmüşdür. Yarışın ilk günü Azərbaycan idmançıları üç medal qazanmışlar.
60 kiloqram çəki dərəcəsində yarışan Sərxan Əhmədov bütün rəqiblərinə qalib gələrək Avropa çempionu tituluna sahib çıxmışdır.
50 kiloqram çəki dərəcəsində mübarizə aparan Vüqar Şirinli əvvəlcə polşalı Martin Vidirjinski, daha sonra slovakiyalı Radoslav Girqa, çexiyalı Mixal Tomanek üzərində qalib gələrək yarımfinala vəsiqə qazanmışdır.
Bu mərhələdə gürcüstanlı Otar Kidaraşviliyə qalib gələrək finala yüksələn Azərbaycan idmançısı həlledici görüşdə israilli Artyom Arşanskiyə uduzaraq gümüş medala layiq görülmüşdür.
55 kiloqram çəki dərəcəsində qüvvəsini sınayan Elsevər Sadıqzadə isə, ardıcıl olaraq, Almaniya, Polşa, İtaliya, Rumıniya idmançılarını məğlub edərək finala yüksəlmişdir. Lakin bu mərhələdə ukraynalı Roman Paskara uduzan cüdoçu ikinci yeri tutmuşdur.
Bölmənin digər xəbərləri
