AZƏRBAYCAN CÜDOÇULARI LİSENZİYA XALLARI UĞRUNDA MÜBARİZƏ APARACAQLAR
On iki idmançıdan ibarət yığma cüdo komandamız “super A” dərəcəli turnirdə çıxış etmək üçün Moskvaya yola düşmüşdür. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, Rusiya paytaxtında ölkəmizi gənc cüdoçularla yanaşı, tanınmış idmançılar – Elçin İsmayılov, Elxan Rəcəbli və Zülfiyyə Hüseynova da təmsil edəcəklər. Yanvarın 24-25-də keçiriləcək turnirin hakimlərindən ikisi Azərbaycandan olacaqdır.
İdmançılar olimpiyaqabağı turnirdə 2004-cü il Afina oyunlarına lisenziya almağa imkan verəcək xallar uğrunda mübarizə aparacaqlar.
Bölmənin digər xəbərləri
