Azərbaycan cüdoçularının “World Masters” turnirində rəqibləri məlum olub
Bakı, 14 dekabr, AZƏRTAC
Bu gün Çinin Quançjou şəhərində “World Masters” turnirinin püşkatma mərasimi təşkil edilib.
AZƏRTAC xəbər verir ki, püşkatmanın nəticəsinə görə, Azərbaycan cüdoçularının ilk döyüşdə rəqibləri məlum olub. Belə ki, Rüstəm Orucov (73 kq)-Məhəmməd Məhəmmədi (İran), Məmmədəli Mehdiyev (90 kq)-Aksel Klerje (Fransa), Elmar Qasımov (100 kq)-Bencamin Fletçer (İrlandiya), Uşanqi Kokauri (+100 kq)-Kokoro Kaqeura (Yaponiya), İrina Kindzerskaya (+78 kq)-İvana Maraniç (Xorvatiya) qələbə uğrunda mübarizə aparacaqlar.
Qeyd edək ki, “World Masters” reytinq turniri dekabrın 15-16-da Çinin Quançjou şəhərində keçiriləcək. Turnirdə hər kateqoriyada reytinq üzrə ən yaxşı 16 idmançı, o cümlədən Azərbaycandan olan atletlər öz güclərini sınayacaqlar.
Bölmənin digər xəbərləri
