AZƏRBAYCAN DRES QIŞ MÖVSÜMÜNƏ HAZIRLAŞIR

16.09.2004 [20:07]
Çap et
A⁺ A^-

“Azərenerji” Səhmdar Cəmiyyətinin mətbuat xidmətindən AZƏRTAC-ın müxbirinə bildirmişlər ki, sahənin müəssisələrində 2004-2005-ci il payız-qış mövsümünə hazırlıq işləri davam edir, təmir kampaniyası tam sürətlə gedir.

Azərbaycan DRES-də enerji bloku əsaslı təmir olunur, silindr, generatorun və digər əsas avadanlıqların köhnəlmiş hissələri dəyişdirilir.

Görülmüş işlər nəticəsində enerji blokunun qış mövsümündə etibarlı fəaliyyətini təmin etməklə yanaşı, onun istehsal gücünü də bərpa etmək mümkün olacaqdır. Bu işləri başa çatdırmaq üçün Rusiyadan alınmış çatışmayan ehtiyat hissələrinin gətirilməsi gözlənilir. Əvvəlki aylarda bəzi digər bloklarda da orta və əsaslı təmir işləri görülmüşdür.

AZƏRBAYCAN DRES QIŞ MÖVSÜMÜNƏ HAZIRLAŞIR

MÜƏLLİFLƏ ƏLAQƏ

Bölmənin digər xəbərləri