AZƏRBAYCAN ELEKTRONİKASI ŞİRKƏTİ YENİ LAZER NOUTBUKLAR (KOMPÜTER) TƏQDİM EDİR
AZEL-in nümayəndələri qurumun son nailiyyətlərindən danışaraq, kompüter bazarında əldə etdikləri uğurlar barədə məlumat vermişlər. Qeyd olunmuşdur ki, AZEL nəzarət etdiyi kompüter bazarına yeni məhsullar çıxarmaqla inkişafda olduğunu təsdiq edir.
Mərasimdə AZEL-in yeni məhsulları nümayiş etdirildi. Bunlar son modellər arasında sadəliyi ilə seçilir. Elələri var ki, ev istifadəçiləri və gündəlik iş üçün nəzərdə tutulmuşdur. Yeni layihə səkkiz LAZER markalı noutbukun istehsalını nəzərdə tutur. Bu modellərdə noutbuklar üçün prosessor, mikrosxem dəstləri və 802.11 standartlarına uyğun naqilsiz şəbəkəyə qoşulma vasitələri cəmləşir.
Mobil çalışmalar üçün nəzərdə tutulan noutbukun çəkisi Lazerbook batareyası ilə birlikdə 2,8 kiloqramdır. Bu kompüter tutumu 80Hb olan sərt disklə təchiz olunmuşdur. Dəstin tərkibini DVD-CDR W modulu daha da zənginləşdirir. Noutbukun avtomat iş müddəti 3 saatdır. Naqilsiz Vvi-Fi şəbəkə interfeysindən başqa, LAZER noutbuku LAN 10/100 Mbps-ə, model 56k-ya və web-kameraya malikdir.
Ən ucuz noutbukun pərakəndə satış qiyməti 799 ABŞ dolları olacaqdır.
Bölmənin digər xəbərləri
