AZƏRBAYCAN GÜLƏŞÇİLƏRİ BEYNƏLXALQ TURNİRDƏ BİR QIZIL, BİR GÜMÜŞ VƏ BEŞ BÜRÜNC MEDAL QAZANMIŞLAR
Turnirdə iştirak edən Azərbaycanın yunan-Roma və sərbəst güləş üzrə milli komandaları yarışlarda yeddi medal qazanmışlar.
Məşqçi Bəhram Mürvətovun rəhbərlik etdiyi yunan-Roma güləşi üzrə yığma komandamızın heyətində Taleh İsrafilov (60 kq) bütün rəqiblərinə qalib gələrək fəxri kürsünün ən yüksək pilləsinə qalxmışdır. Digər pəhləvanlarımız Natiq Bağırov (55 kq), Tural Qəhrəmanov (60 kq) və Elbrus Məmmədov (66 kq) isə turnirin bürünc medalçısı olmuşlar.
Məşqçilər Vahid Məmmədov və Rövşən Umudovun başçılıq etdiyi sərbəst güləş üzrə yığma komandamızın üzvü Elnur Aslanov (74 kq) yalnız finalda uduzaraq gümüş medalla kifayətlənmişdir.
Sərbəst güləşçilərimiz Elşən Mirzəyev (55 kq) və Müslüm Müslümov (96 kq) isə turnirin bürünc mükafatlarına sahib olmuşlar.
Bölmənin digər xəbərləri
