Azərbaycan güləşçisi Murtuzəli Müslimov Yaşar Doğu turnirinin final mərhələsinə yüksəlib
Bakı, 11 iyul, AZƏRTAC
İyulun 11-də İstanbulda sərbəst və qadın güləşi üzrə Yaşar Doğunun xatirəsinə həsr olunan turnir start götürüb.
Azərbaycan Güləş Federasiyasından AZƏRTAC-a bildiriblər ki, yarışın birinci günündə sərbəst güləş üzrə yığmamızın üç üzvü xalça üzərinə çıxıblar. Georgi Edişeraşvili (57 kq) gərgin keçən görüşdə italiyalı rəqibinə uduzub. Digər iki idmançımız - 70 kiloqram çəki dərəcəsində mübarizə aparıb. Birinci görüşdə Qazaxıstan idmançısına qalib gələn Murtuzəli Müslimov dörddəbir finalda komanda yoldaşı Gitinoməhəmməd Hacıyevi üstələyərək yarımfinala yüksəlib. Hindistanlı rəqibini də məğlub edən M.Müslimov adını finala yazdırıb.
Medal görüşləri iyulun 12-də keçiriləcək.
Bölmənin digər xəbərləri
