AZƏRBAYCAN İDMANÇILARI BİRİNCİ QARA DƏNİZ OYUNLARINDA ARTIQ 13 MEDAL QAZANMIŞLAR
AZƏRTAC xəbər verir ki, Trabzonda keçirilən Birinci Qara dəniz Oyunlarında Azərbaycan idmançıları daha iki medala sahib olaraq, qazandıqları mükafatların sayını 13-ə çatdırmışlar.
100 metr məsafəyə sprint qaçışında Ramil Quliyev finiş xəttini hamıdan tez qət edərək qızıl medala layiq görülmüşdür. Qeyd edək ki, bu atletlərimizin oyunlarda qazandıqları üçüncü medaldır. Buna qədər uzunluğa tullanma yarışlarında Ənvər Zeynalzadə qızıl, Kamran Cəlilov isə bürünc medala layiq görülmüşdülər.
Yunan-Roma güləşçilərimiz də çıxışlarını uğurla davam etdirirlər. Döşək üzərinə çıxan Tural Hüseynov (69 kq) qızıl, Kamran Məmmədov (58 kq) bürünc medala layiq görülmüşlər.
Bölmənin digər xəbərləri
