Azərbaycan İlahiyyat İnstitutunda qış imtahan sessiyası ilə bağlı tələbələrlə görüş
Bakı, 3 fevral, AZƏRTAC
Azərbaycan İlahiyyat İnstitutunun (Aİİ) İlahiyyat fakültəsi qış imtahan sessiyasının gedişi ilə bağlı tələbələrlə növbəti həftəlik görüşünü keçirib.
İnstitutdan AZƏRTAC-a bildirilib ki, onlayn görüşdə imtahan prosesində tələbələrin qarşılaşdıqları problemlər müzakirə edilib, onları maraqlandıran suallar cavablandırılıb. Sonra tələbələrin təklifləri dinlənilib. Görüşdə İlahiyyat fakültəsinin dekanı, ilahiyyat üzrə fəlsəfə doktoru, dosent Elnurə Əzizova, tədris işləri üzrə dekan müavini, fəlsəfə üzrə fəlsəfə doktoru Kövsər Tağıyev və təlim-tərbiyə işləri üzrə dekan müavini, sosiologiya üzrə fəlsəfə doktoru Asəf Qənbərov iştirak ediblər.
Xatırladaq ki, Azərbaycan İlahiyyat İnstitutunun 2020/2021-ci tədris ili üzrə qış imtahan sessiyası başlayan vaxtdan etibarən hər həftə dekanlığın tələbələrlə görüşü təşkil olunur.
Bölmənin digər xəbərləri
