Azərbaycan Kubokunun 1/8 final mərhələsi mövsümün ilk penaltilər seriyası ilə əlamətdar olub
Bakı, 5 dekabr, AZƏRTAC
Azərbaycan Kubokunun 1/8 final mərhələsi 2024/2025-ci illər mövsümünün ilk penaltilər seriyası ilə əlamətdar olub.
AZƏRTAC Peşəkar Futbol Liqasının rəsmi saytına istinadən xəbər verir ki, “Sabah” “Turan Tovuz”la səfərdəki dueldən qalib ayrılıb – 2:2, p. 3:1.
Bu, kubokun 33 mövsümündə yaşanan 34-cü belə matç olub. Əvvəlki 32 mövsümdə 33 dəfə qalib oyun sonrası “lotereya”da müəyyənləşib. Sonuncu belə oyunlar ötən mövsümün I təsnifat mərhələsində baş tutub. “Şahdağ Qusar” “Qusar”a (0:0, p. 5:4), “Şəfa” “Şəmkir”ə (1:1, p. 5:3) qalib gəlib.
Qeyd edək ki, həm “Sabah”, həm də “Turan Tovuz” ölkə kubokunda ilk dəfə penaltilər seriyasında qüvvəsini sınayıb.
Bölmənin digər xəbərləri
