AZƏRBAYCAN MİLLİ ELMLƏR AKADEMİYASINDA SEMİNAR
Oktyabrın 23-də Azərbaycan Milli Elmlər Akademiyasında “İon radiasiyasının Qafqaz regionu və Xəzər dənizi hövzəsi ölkələrinin ekoloji vəziyyətinə təsiri” mövzusunda seminar öz işinə başlamışdır.
MEA və Azərbaycan Biofizika Cəmiyyəti tərəfindən təşkil olunmuş seminarda Azərbaycan, Türkiyə, Rusiya, Qazaxıstan, Özbəkistan, Gürcüstan və digər ölkələri təmsil edən alim və mütəxəssislər iştirak edirlər.
AMEA-nın müxbir üzvü, professor Ayaz Əfəndiyev seminarı giriş sözü ilə açaraq, iştirakçılara uğurlar arzuladı.
Sonra Türkiyənin Nüvə Əməkdaşlığı Sahəsində Tədqiqatlar Mərkəzinin rəhbəri Nevzat Birsen “Türkdilli ölkələrin nüvə enerjisinin sülh naminə istifadəsində birgə əməkdaşlığı”, AMEA-nın Radiasiya Problemləri İnstitutunun direktoru, kimya elmləri doktoru Adil Qəribov “Azərbaycan Respublikasının radiasiya təhlükəsizliyinə yaxın ölkələrdə nüvə texnologiya sistemlərinin təsiri”, Rusiya EA-nın Fiziki Kimya Tədqiqatları İnstitutunun laboratoriya müdiri Aleksandr Yermakov “Troposferin kimyəvi buludları”, Azərbaycan Tibb Universitetinin dosenti, tibb elmləri namizədi Aydın Məmmədov “Radiasiya qəzaları və əhalinin mühafizəsi” mövzusunda məruzələr etdilər.
Seminar oktyabrın 25-də başa çatacaqdır.
Bölmənin digər xəbərləri
