Azərbaycan millisi Təl-Əviv Qran-Prisində beşinci yeri tutub
Bakı, 26 yanvar, AZƏRTAC
İsrailin paytaxtı Təl-Əvivdə keçirilən Qran-Pri turnirinin sonuncu yarış günündə altı cüdoçumuz medallar uğrunda mübarizə aparıb.
AZƏRTAC xəbər verir ki, Qran-Pridə ən yüksək nəticəni qadın cüdoçumuz İrina Kindzerskaya (+78 kq) göstərib. Ardıcıl fransalı Laura Fuseau, litvalı Sandra Yablonskyte və sloveniyalı Anamari Velenşeki üstələyərək finala yüksələn İrina həlledici qarşılaşmada ukraynalı Yelizaveta Kalaninanı məğlub edərək qızıl medal qazanıb.
Bundan əvvəl isə komandamızın üzvü Məmmədəli Mehdiyev (90 kq) bürünc medala layiq görülmüşdü.
Bu nəticə ilə cüdo üzrə Azərbaycan yığması Belarus, Belçika, Sloveniya, Ukrayna, Rusiya, Hollandiya, İsveçrə və başqa ölkələri qabaqlayaraq beşinci yerdə qərarlaşıb.
Bölmənin digər xəbərləri
