AZƏRBAYCAN NEFTÇİLƏRİ 20 YANVAR FACİƏSİNİN QURBANLARININ XATİRƏSİNİ EHTİRAMLA YAD ETMİŞLƏR
Dövlət Neft Şirkətindən AZƏRTAC-a bildirmişlər ki, 20 Yanvar faciəsinin 16-cı ildönümü münasibətilə şirkətin bütün müəssisələrində anma mərasimləri keçirilmiş, qanlı cinayətin səbəbkarları qətiyyətlə lənətlənmişdir. Yanvar hadisələrində şəhid olanların ailələrinə və əlillərə yardımlar edilmişdir.
Ümumxalq hüzn günündə on minlərlə neftçi Şəhidlər xiyabanını ziyarət edərək, müstəqilliyimiz uğrunda canlarından keçənlərin məzarları üzərinə tər qərənfillər, Əbədi məşəl kompleksi önünə əklil qoymuşlar.
