AZƏRBAYCAN NÜMAYƏNDƏ HEYƏTİ RUSİYAYA GEDƏCƏK
Sentyabrın 30-da Rusiya Federasiyasının Saratov şəhərində Avropa Şurasının mədəniyyət, təhsil məsələləri komitəsinin səyyar iclası keçiriləcəkdir.
Milli Məclisdən AZƏRTAC-a bildirmişlər ki, iclasda kütləvi informasiya vasitələri, dini icmalar arasında əməkdaşlığın genişləndirilməsi və regional dillərin inkişafına yardım məsələləri müzakirə olunacaqdır.
Müzakirələrdə Böyük Britaniya, Fransa, İspaniya, Türkiyə, Latviya, Azərbaycan və Avropa Şurasına üzv olan digər dövlətlərin nümayəndələri iştirak edəcəklər. Ölkəmizin nümayəndə heyəti Azərbaycanda KİV-lərə yaradılmış şərait, dini dözümlülük və digər məsələlərlə bağlı məlumat verəcəkdir.
Bölmənin digər xəbərləri
