AZƏRBAYCAN PREZİDENTİ HEYDƏR ƏLİYEV BELÇİKAYA YOLA DÜŞMÜŞDÜR
Məlum olduğu kimi, son bir ildə Avropa Birliyi ilə respublikamız arasında daha da möhkəmlənən əlaqələr ölkəmizin ərzaqla bağlı bir sıra problemlərinin həllinə kömək etmişdir. Azərbaycan rəhbərinin Brüsselə ikinci səfərinin məqsədi Avropa Birliyinin qərargahında olmaq, gələcək əməkdaşlığın istiqamət və mərhələlərini müəyyənləşdirməkdir.
Respublika Prezidenti Heydər Əliyev səfərə yola düşməzdən qabaq Binə hava limanında jurnalistlərə müsahibə verdi.
Respublika Baş nazirinin vəzifəsini icra edən Fuad Quliyev də Prezidentlə birlikdə Brüsselə yola düşmüşdür.
Binə hava limanında Azərbaycan Prezidenti Heydər Əliyevi respublika Ali Sovetinin sədri Rəsul Quliyev, Prezidentin İcra Aparatının rəhbəri Ramiz Mehdiyev, Ali Sovet sədrinin birinci müavini Arif Rəhimzadə, Baş nazirin müavini Tofiq Əzizov və digər rəsmi şəxslər yola salmışlar.
Bölmənin digər xəbərləri
