AZƏRBAYCAN PREZİDENTİ İLHAM ƏLİYEV MDB-NİN İCRAÇI KATİBİNİ QƏBUL ETMİŞDİR
Prezident İlham Əliyev MDB-nin icraçı katibini səmimiyyətlə salamlayaraq, Bakıda onunla keçirdiyi görüşü xatırlatdı. Dövlətimizin başçısı Azərbaycanın MDB çərçivəsində keçirilən tədbirlərdə yaxından iştirak etdiyini bildirərək dedi ki, bu çür tədbirlər Birlik ölkələri arasında əlaqələrin inkişafına və genişlənməsinə kömək göstərir.
Vladimir Ruşaylo səmimi qəbula görə minnətdarlıq etdi, Azərbaycan rəhbəri ilə yenidən görüşmək imkanından məmnun olduğunu söylədi. O, MDB-nin üzvü olan ölkələrin dövlət başçılarının Astana zirvə görüşünə hazırlıqla bağlı görülmüş işlər, habelə sentyabrın 15-də Birliyin xarici işlər və hökumət başçıları şuralarının iclaslarında müzakirə olunan məsələlər barədə məlumat verdi.
Bölmənin digər xəbərləri
