AZƏRBAYCAN TAEKVONDOÇULARI BEYNƏLXALQ TURNİRDƏ İKİ BÜRÜNC MEDAL QAZANMIŞLAR
AZƏRTAC xəbər verir ki, Azərbaycanın taekvondo üzrə yığma komandası Almaniyanın Bonn şəhərində başa çatmış beynəlxalq turnirdə iki bürünc medal qazanmışdır.
Azərbaycan yığmasının heyətində Rəşad Əhmədov (78 kq) Xorvatiya, Avstraliya, Almaniya və ABŞ idmançılarına qalib gəlmişdir. Lakin yarımfinalda Xorvatiya təmsilçisinə uduzaraq üçüncü yeri tutmuşdur.
Komandanın digər üzvü Təvəkgül Bayramov (84 kq) isə ilk iki döyüşdə Alman, daha sonra Polşa idmançılarını məğlub etsə də, italiyalı taekvondoçuya uduzaraq bürünc medalla kifayətlənmişdir.
Bölmənin digər xəbərləri
