AZƏRBAYCAN TAEKVONDOÇULARI BİRİNCİ QARA DƏNİZ OYUNLARINDA DAHA DÖRD MEDAL QAZANMIŞLAR
AZƏRTAC xəbər verir ki, Azərbaycan taekvondoçuları Birinci Qara dəniz Oyunlarında daha dörd medal qazanmışlar.
İyulun 7-də dayanq üzərinə çıxan Eldar Qurbanov (51 kq) fəxri kürsünün ən yüksək pilləsinə qalxmışdır. Finalda o, türkiyəli Rəcəb Yazıçını çətinliklə məğlub etmişdir (3:2).
Yığma komandamızın heyətində Allahşükür Zülfüqarlı (78 kq-dan yuxarı) yalnız finalda yunanıstanlı Simeon Tsepilisə, Nicat Cavadlı (63 kq) isə Türkiyə idmançısı Sarı Yunusa uduzaraq ikinci yeri tutmuşlar.
Qızların mübarizəsində Aygül Abdullayeva (46 kq) bürünc medala sahib olmuşdur.
Yarışlar başlayan vaxtdan indiyədək taekvondoçularımız Oyunlarda iki qızıl, dörd gümüş, üç bürünc medal qazanmışlar.
Bölmənin digər xəbərləri
