AZƏRBAYCAN TAEKVONDOÇUSU ELNUR AMANOV AVROPA ÇEMPİONU OLMUŞDUR
AZƏRTAC xəbər verir ki, Azərbaycan taekvondoçusu Elnur Amanov Romada keçirilən Avropa çempionatının qızıl medalına layiq görülmüşdür.
Ardıcıl olaraq, Rumıniya, İtaliya, Serbiya, Böyük Britaniya və Almaniyadan olan idmançılara qalib gələn Azərbaycan idmançısı fəxri kürsünün ən yüksək pilləsinə qalxmışdır.
Qadınlar arasında isə Şəhrun Yusifova (47 kq) dörddəbir finala qədər irəliləyə bilmişdir.
Yarışların ikinci günü isə Rövşən Məmmədov (62 kq) ilk görüşdə Finlandiya təmsilçisi Yusif Şimal üzərində qələbə qazanaraq səkkizdəbir final mərhələsinə yüksəlmişdir.
Yığma komandamızın heyətində Təvəggül Bayramov (84 kq), Leyla Yusubova (51 kq), Vüqar Kərimov (54 kq) və Yelena Abbasova (67 kq) çıxışlarını başa vurmuşlar.
Bölmənin digər xəbərləri
