AZƏRBAYCAN VƏ BELARUS HÖKUMƏTLƏRİ ARASINDA İMZALANMIŞ SAZİŞLƏR TƏSDİQLƏNMİŞDİR
“Azərbaycan Respublikası Hökuməti və Belarus Respublikası Hökuməti arasında hava əlaqəsi haqqında” və “Azərbaycan Respublikası Hökuməti və Belarus Respublikası Hökuməti arasında sərbəst ticarət haqqında” sazişlər müzakirə olunmuşdur. İqtisadi siyasət daimi komissiyası sədrinin müavini Əli Əlirzayev demişdir ki, adları çəkilən sənədlər Azərbaycanın digər ölkələrlə olduğu kimi, Belarusla da əlaqələrinin inkişafına kömək edəcəkdir. Deputatlar sazişlərin Azərbaycanın milli maraqlarına tam cavab verdiyini bildirmiş və sənədləri təsdiqləmişlər.
İclasda “Azərbaycan Respublikasının Mülki Məcəlləsinə əlavələrin və dəyişikliklərin edilməsi haqqında” Qanunun tətbiqi ilə əlaqədar bəzi qanunvericilik aktlarına və Vergi Məcəlləsinə dəyişikliklər edilmişdir.
Bölmənin digər xəbərləri
