AZƏRBAYCANDA KOMPÜTER QRAFİKASI JANRINDA İLK FƏRDİ SƏRGİ AÇILMIŞDIR
AZƏRTAC-ın müxbiri xəbər verir ki, sərgidə rəssam E.Aslanovun 30-a yaxın rəsm əsəri nümayiş etdirilir.
Azərbaycan Rəssamlar İttifaqı idarə heyəti sədrinin müavini Ağaəli İbrahimov, tanınmış rəssam Arif Hüseynov, yazıçılar Yasif Nəsirli, Oqtay Salamzadə və digərləri çıxış edərək rəssamın yaradıcılığı barədə ürək sözlərini demişlər. Qeyd edilmişdir ki, “Əsrin müqaviləsi”nin 10-cu ildönümünə həsr olunmuş bu sərgi ölkəmizdə kompüter qrafikası janrında ilk sərgidir və təqdim olunmuş rəsmlər fikir aydınlığı, kompozisiyalardakı əlvanlığı ilə diqqəti cəlb edir.
Maraqla qarşılanan sərgidə ümummilli liderimiz, müstəqil Azərbaycanın qurucusu Heydər Əliyevə həsr olunmuş əsərlər iştirakçıların diqqətini daha çox cəlb etmişdir.
Sərgi 20 gün davam edəcəkdir.
Bölmənin digər xəbərləri
