Azərbaycanda koronavirusla əlaqədar reanimasiya şöbəsində müalicə alan xəstələrin sayı azalıb
Bakı, 11 avqust, AZƏRTAC
Azərbaycanda koronavirusla əlaqədar reanimasiya şöbəsində müalicə alan və süni tənəffüs cihazına qoşulan xəstələrin sayı azalıb.
Tibbi Ərazi Bölmələrini İdarəetmə Birliyindən (TƏBİB) AZƏRTAC-a bildiriblər ki, hazırda reanimasiya şöbəsində 226 nəfər müalicə alır. Ötən gün isə bu say 252 idi.
Xəstələrdən 46 nəfəri süni tənəffüs cihazına qoşulub. Avqustun 10-da isə süni tənəffüs cihazına qoşulanların sayı 49 nəfər olub.
Ölkəmizdə müalicəsi davam etdirilən aktiv koronavirus xəstələrinin də sayı azalmaqdadır. Hazırda aktiv xəstə sayı 2380 nəfərdir. Ötən gün isə bu rəqəm 2513 idi.
Bölmənin digər xəbərləri
