Azərbaycanda may ayına olan hava proqnozu açıqlanmışdır
Bakı, 30 aprel (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti ölkəmizdə may ayına olan hava proqnozunu açıqlamışdır.
Nazirliyin mətbuat xidmətindən AZƏRTAC-a bildirmişlər ki, proqnoza görə, may ayında havanın orta aylıq temperaturunun kiçik müsbət və mənfi fərqlə iqlim normasına yaxın olacağı gözlənilir. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı ehtimal olunur.
Bakıda və Abşeron yarımadasında orta aylıq temperaturun 16-19 dərəcə isti olacağı gözlənilir ki, bu da iqlim normasına yaxındır. Gecələr temperatur 9-14, ayın ikinci yarısında 15-18 dərəcə isti təşkil edəcəkdir. Gündüzlər havanın temperaturu 19-24 dərəcə isti təşkil edəcək, bəzi günlərdə 27-32 dərəcəyədək yüksələcəkdir.
Aylıq yağıntının miqdarının iqlim normasına yaxın (norma 18-21 mm) olacağı gözlənilir.
Naxçıvan Muxtar Respublikasında orta aylıq temperaturun 16-20 dərəcə isti olacağı gözlənilir ki, bu da iqlim normasına yaxındır. Gecələr temperatur 9-14, ayın ikinci yarısında 15-18 dərəcə isti təşkil edəcəkdir. Gündüzlər temperatur 20-25 dərəcə isti təşkil edəcək, bəzi günlərdə 30-34 dərəcəyədək yüksələcəkdir.
Aylıq yağıntının miqdarının iqlim normasına yaxın (norma 33-62 mm) olacağı gözlənilir.
Yuxarı Qarabağ: Xankəndi, Şuşa, Xocalı, Xocavənd; Qubadlı, Zəngilan, Laçın, Kəlbəcər, Daşkəsən və Gədəbəy rayonlarında orta aylıq temperaturun 11-16 dərəcə isti olacağı gözlənilir ki, bu da iqlim normasına yaxın, bəzi yerlərdə isə 1 dərəcə yüksəkdir. Gecələr havanın temperaturu 6-11, ayın sonunda 13 dərəcəyədək isti təşkil edəcəkdir. Gündüzlər temperatur 15-20 dərəcə isti olacaq, ayın ikinci yarısının bəzi günlərində 23-26 dərəcəyədək yüksələcəkdir.
Aylıq yağıntının miqdarının iqlim normasına yaxın (norma 68-122 mm) olacağı gözlənilir.
Qazax, Gəncə, Goranboy, Tərtər, Ağdam, Ağcabədi, Füzuli və Cəbrayıl rayonlarında orta aylıq temperaturun 16-19 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 9-14, gündüzlər 19-24 dərəcə isti olacaq, ayın ikinci yarısının bəzi günlərində 27-31 dərəcəyədək yüksələcəkdir.
Aylıq yağıntının miqdarının iqlim normasına yaxın (norma 31-54 mm) olacağı gözlənilir.
Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz və Qusar rayonlarında orta aylıq temperaturun 13-17 dərəcə isti olacağı gözlənilir ki, bu da iqlim normasına yaxın və bir dərəcə aşağıdır. Gecələr havanın temperaturu 8-13, ayın sonunda 14-16 dərəcə isti təşkil edəcəkdir. Gündüzlər 18-23, ayın ikinci yarısının bəzi günlərində 27-30 dərəcəyədək isti olacağı gözlənilir.
Aylıq yağıntının miqdarının iqlim normasına yaxın, bəzi yerlərdə isə normadan bir qədər çox (norma 26-166 mm) olacağı gözlənilir.
Mərkəzi-Aran: Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan və Neftçala rayonlarında orta aylıq temperaturun 17-22 dərəcə isti olacağı gözlənilir ki, bu da iqlim normasına yaxın və 2 dərəcə yüksəkdir. Gecələr havanın temperaturu 10-15, ayın ikinci yarısında 16-19 dərəcəyədək isti təşkil edəcəkdir. Gündüzlər 22-27 dərəcə isti olacağı, ayın ikinci yarısının bəzi günlərində 30-34 dərəcəyədək yüksələcəyi gözlənilir.
Aylıq yağıntının miqdarının iqlim normasına yaxın (26-62 mm) olacağı gözlənilir.
Masallı, Lənkəran, Astara, Lerik və Yardımlı rayonlarında orta aylıq temperaturun 14-19 dərəcə isti olacağı gözlənilir ki, bu da iqlim normasına yaxın və 1 dərəcə yüksəkdir. Gecələr havanın temperaturu 9-14, bəzi günlərdə 15-18 dərəcə isti təşkil edəcəkdir. Gündüzlər temperatur 19-24, ayın ikinci yarısının bəzi günlərində 27-30 dərəcəyədək yüksələcəkdir.
Aylıq yağıntının miqdarının iqlim normasına yaxın (norma 41-72 mm) olacağı gözlənilir.
Bölmənin digər xəbərləri
