AZƏRBAYCANDAKI QAÇQIN VƏ MƏCBURİ KÖÇKÜN AİLƏLƏRİNİN UŞAQLARINA HƏSR OLUNMUŞ MULTİMEDİYA DİSKİ HAZIRLANMIŞDIR
AZƏRTAC xəbər verir ki, bu disk YUNESKO-nun Moskva nümayəndəliyinin maliyyə dəstəyi ilə toplanmış məlumatlar diskin “Layihələr və hesabatlar”, “Məşğələlər”, “Kitabxana” və sair bölmələrində yer almışdır. Diskin köməyi ilə məlumat almaq, məşğələ proqramları, fotosərgilərlə tanış olmaq, Azərbaycan, rus və ingilis dillərində kitab və vəsaitlərdən yararlanmaq mümkündür. Diskdə toplanmış materiallar təkcə hesabat xarakteri daşımır. Humanitar təşkilatların işçiləri, sosioloqlar, təhsil, səhiyyə və sosial müdafiə qurumları və qeyri-hökumət təşkilatlarının əməkdaşları üçün də təcrübi əhəmiyyəti olan mənbə rolunu oynayır.
