Azərbaycanın 5 cüdoçusu Avropa çempionatında mübarizəyə başlayacaq
Bakı, 3 noyabr, AZƏRTAC
Fransanın Monpelye şəhərində böyüklər arasında keçirilən Avropa çempionatında bu gün Azərbaycanın beş cüdoçusu mübarizəyə başlayacaq.
AZƏRTAC xəbər verir ki, Balabəy Ağayev, Turan Bayramov (hər ikisi 60 kiloqram), Yaşar Nəcəfov (66 kiloqram), Leyla Əliyeva (48 kiloqram) və Gültac Məmmədəliyeva öz güclərini sınayacaqlar.
Qadınlar arasında 48 kiloqramda Leyla Əliyeva - Lois Petit (Belçika), 52 kiloqramda Gültac Məmmədəliyeva - Coana Dioqo (Portuqaliya) / Sofiya Asvesta (Kipr Respublikası) görüşünün qalibi ilə tatamiyə çıxacaq.
Kişilərin mübarizəsində 60 kiloqramda Balabəy Ağayev - Andreya Karlino (İtaliya) / Rodriqo Kosta Lopes (Portuqaliya) görüşünün qalibi ilə, Turan Bayramov - Qamzat Zayrbekov (Fərdi Neytral İdmançılar) / Mihrac Akkus (Türkiyə) görüşünün qalibi ilə üz-üzə gələcək. 66 kiloqram çəkidə isə Yaşar Nəcəfov italiyalı Matteo Pirasla qarşılaşacaq
Qeyd edək ki, Avropa çempionatına noyabrın 5-i yekun vurulacaq. Yığma yarışda 9 çəki dərəsində 9 kişi və 2 qadın cüdoçu ilə təmsil olunacaq.
Bölmənin digər xəbərləri
