Azərbaycanın FIFA referisi beynəlxalq təyinat alıb
Bakı, 24 sentyabr, AZƏRTAC
FIFA referisi Kamal Umudlu yeni təyinat alıb.
AZƏRTAC AFFA-nın rəsmi saytına istinadən xəbər verir ki, o, UEFA Gənclər Liqasının II turu çərçivəsində Almaniyada “Ştutqart” və Çexiyanın “Sparta” klubları arasında oyunun baş hakimi olacaq.
Referiyə Namik Hüseynov və Rəhman İmami kömək edəcəklər. Dördüncü hakim funksiyasını almaniyalı Mark Filipp Ekermann yerinə yetirəcək.
Oktyabrın 1-də Ştutqart şəhərində yerləşən “Valdau” stadionunda keçiriləcək görüş Bakı vaxtı ilə saat 14:30-da başlayacaq.
Bölmənin digər xəbərləri
