AZƏRBAYCANIN ŞAHMAT ÜZRƏ YIĞMA KOMANDASININ ÜZVLƏRİ İLƏ GÖRÜŞ
AZƏRTAC xəbər verir ki, Azərbaycan Şahmat Federasiyasının (AŞF) prezidenti Elman Rüstəmov şahmat üzrə kişilərdən ibarət yığma komandanın bir qrupu ilə görüşmüşdür.
Görüşdə şahmatçılarımızın qarşıdakı məsul yarışlara hazırlığı, onların təlim-məşq toplanışları və digər məsələlər müzakirə olunmuşdur.
AŞF prezidenti Azərbaycanda şahmatın inkişaf etdirilməsi, ölkəmizdə bu idman növünün kütləviliyinin artırılması istiqamətində görülən tədbirlər barədə danışmış, mövcud problemlərin aradan qaldırılması ilə bağlı fikir mübadiləsi aparılmışdır.
Qeyd edək ki, beynəlxalq qrossmeysterlər Şəhriyar Məmmədyarov, Teymur Rəcəbov və Rauf Məmmədov bu ilin noyabrında Rusiyanın Xantı-Mansiysk şəhərində 126 şahmatçının qatılacağı yarışda iştirak edəcəklər. Oktyabrda isə şahmatçılarımız Yunanıstanda təşkil olunacaq komandalararası Avropa çempionatında qüvvələrini sınayacaqlar.
Bölmənin digər xəbərləri
