Azərbaycanın sərbəst güləşçiləri dünya çempionatına Belarusda hazırlaşırlar
Bakı, 24 sentyabr, AZƏRTAC
Sərbəst güləş üzrə Azərbaycan millisi Belarusda təlim-məşq toplanışındadır.
Azərbaycan Güləş Federasiyasından AZƏRTAC-a verilən məlumata görə, Minskdə yerləşən “Stayki” İdman Mərkəzində təşkil olunan hazırlıq prosesində məşqlər yerli komanda ilə birgə keçirilir.
Yığma ötən həftə Belarusun paytaxtında baş tutan Aleksandr Medvedin xatirə turnirində iştirak etdikdən sonra həmin məkanda toplanışa start verib. Sentyabrın 23-də başlayan hazırlıq prosesi oktyabrın 5-dək davam edəcək.
Qeyd edək ki, baş məşqçi Xetaq Qazyumov, böyük məşqçi Cəbrayıl Həsənov, məşqçilər Taymuraz Kokoyev və Şərif Şərifovun rəhbərliyi altında keçirilən toplanış oktyabrda Albaniyada təşkil ediləcək U-23 və böyüklər arasında dünya çempionatlarına hazırlıq xarakteri daşıyır.
Bölmənin digər xəbərləri
