Azərbaycanın sərbəst güləşçiləri xatirə turnirini 8 medalla başa vurublar
Bakı, 23 sentyabr, AZƏRTAC
Azərbaycan təmsilçiləri Belarusun paytaxtı Minskdə sərbəst güləş üzrə 3 qat olimpiya çempionu Aleksandr Medvedin xatirə turnirində uğurla çıxış ediblər.
Azərbaycan Güləş Federasiyasından AZƏRTAC-a verilən məlumata görə, yığma yarışı 8 medalla başa vurub.
Cəbrayıl Qadjiyev (74 kiloqram), Arseni Cioyev (86 kiloqram) və Abubakr Abakarov (92 kiloqram) bütün rəqiblərinə qalib gələrək fəxri kürsünün ən yüksək pilləsinə qalxıb. Yalnız finalda məğlub olan Orxan Abasov (79 kiloqram) gümüş medalla kifayətlənib. Rəşid Babazadə (65 kiloqram), Əli Rəhimzadə (70 kiloqram), Şamil Zubairov (92 kiloqram) və Aslan Abakarov (97 kiloqram) isə bürünc medalın sahibi olublar.
Bölmənin digər xəbərləri
