AZƏRBAYCANLI GİMNAST KİYEVDƏ KEÇİRİLƏN BEYNƏLXALQ YARIŞDA İŞTİRAK ETMİŞDİR
Kiyevdə idman gimnastikası üzrə beynəlxalq yarış başa çatmışdır. Yarışda azərbaycanlı gimnast Səbuhi Aslanov da iştirak etmişdir. Azərbaycan Gimnastika Federasiyasının mətbuat xidmətindən AZƏRTAC-ın müxbirinə bildirmişlər ki, Çin, Rusiya, ABŞ və Ukraynanın güclü gimnastlarının yarışdığı belə ciddi turnirdə ilk dəfə iştirak edən gimnastımız çoxnövçülükdə 34 idmançı arasında 22-ci yerə çıxmışdır.
Olimpiya çempionu Stella Zaxarova demişdir: “İlk çıxış üçün bu, yaxşı göstəricidir. 18 yaşlı Səbuhinin yaxşı potensialı var. Bunu mənim bir çox həmkarım da deyir. O hələ idman formasını yaxşılaşdıracaqdır. Odur ki, seçdiyiniz istiqamətdə işləməyi davam etdirin”.
Bölmənin digər xəbərləri
