AZƏRBAYCANLI HƏNDBOL HAKİMLƏRİ DÜNYA VƏ AVROPA ÇEMPİONATLARININ OYUNLARINI İDARƏ EDƏCƏKLƏR
AZƏRTAC xəbər verir ki, Azərbaycanın beynəlxalq dərəcəli həndbol hakimləri Vaqif Əliyev və Ələkbər Ağakişiyev Estoniyada kişilər arasında dünya çempionatının qrup seçmə mərhələsinin görüşlərini idarə edəcəklər. Kehra şəhərində keçiriləcək qrupun oyunlarında meydan sahibləri ilə yanaşı, Yunanıstan, Slovakiya və Çernoqoriya yığma komandaları yarışırlar.
Azərbaycanın digər həndbol hakimləri Emil və Ernest Ağakişi qardaşları isə Rusiyanın Zveniqorod şəhərində 19 yaşadək qadın həndbolçuların Avropa çempionatının seçmə mərhələsinin qrup oyunlarına təyinat almışlar. Bu qrupda isə Rusiya, İslandiya və Yunanıstan komandaları mübarizə aparacaqlar.
Bölmənin digər xəbərləri
