AZERCELL-İN “SİMPRİZLƏRLƏ HƏVƏSLİ İLİN 5-Cİ FƏSLİ” HƏDİYYƏ KAMPANİYASI BAŞA ÇATMAQ ÜZRƏDİR
Birgə müəssisənin mətbuat xidmətindən AZƏRTAC-ın müxbirinə bildirmişlər ki, uduş fonduna daxil olan daha iki “FORD EcoSport” markalı avtomobil öz xoşbəxt sahibini tapmışdır. Onlar Qəbələ sakini Etibar Bədəlov və bakılı Gövhər Həsənovadır.
Kampaniyanın həyata keçirildiyi vaxtdan bəri Azercell-in 41 abonenti Azeronline-dən 100 saatlıq İnternet zərfinə və Fujitsu-Siemens kompüterlərinə sahib olmuş, 400 nəfər Nokia 3510i mobil telefonu, on minlərlə istifadəçi isə 5 min və 2 min 200 konturluq danışıq kartı qazanmışdır. Bundan əlavə, uduşsuz çıxan SimPriz kartları üçün oktyarbın 30-da keçiriləcək Ekstra SimPriz kampaniyası nəzərdə tutulmuşdur. Uduşsuz çıxmış bütün kartlara sahib olan abonentlərin iştirakı ilə həmin gün efirdə canlı lotereya oyunu keçiriləcək, nəticədə dörd nəfər Ekstra Simprizdən 5 milyon 555 min 555 manat, bir nəfər isə 55 milyon 555 min 555 manat məbləğində pul mükafatı qazanacaqdır. Oyunda iştirak etmək üçün udmayan kartın 13 rəqəmli şifrəsini sentyabrın 15-dək yalnız bir dəfə qısa mesaj şəklində 5555 nömrəsinə göndərmək kifayətdir.
Bölmənin digər xəbərləri
