AZERCELL İSTİFADƏ MÜDDƏTİ BİTMİŞ VƏ NÖMRƏSİ LƏĞV OLUNMUŞ ABONENTLƏR ÜÇÜN YENİ KAMPANİYAYA BAŞLAYIR
Azercell Telekom Birgə Müəssisəsinin mətbuat xidmətindən AZƏRTAC-a bildirmişlər ki, şirkət, nömrəsi ləğv olunmuş və ya istifadə müddəti bitmiş SimSim, GəncSim və Bizdən Bizə abonentləri üçün yeni sürpriz etmişdir. Operator 10 illik fəaliyyəti münasibətilə aprelin 1-dən 10-dək nömrəsi ikitərəfli bağlı olan (danışıq kartının istifadə müddəti bitmiş) bütün abonentlərə 1 ay istifadə müddəti hədiyyə etmişdir. Bundan başqa, həmin abonentlər 360 kontur da qazanacaqlar. Əlavə 1 ay istifadə müddəti və 360 konturu əldə etmək üçün 1010 nömrəsinə boş mesaj göndərmək kifayətdir.
Nömrəsi ləğv olunmuş abonentlər hədiyyəni Azercell Ekspress ofislərində nömrələrini aktivləşdirərkən avtomatik olaraq əldə edəcəklər.
Bölmənin digər xəbərləri
